એ તરંગો થઈ બધે લ્હેરાય છે,
જીંદગી ક્યાં કોઇને સમજાય છે?
જીંદગી ક્યાં કોઇને સમજાય છે?
સાવ નજદીક આવવાનું થાય છે,
મન પછીથી , એકદમ બદલાય છે!
મન પછીથી , એકદમ બદલાય છે!
હાથ લંબાવું અને પીડા મળે,
આમને આમ જ, ઘણું જીવાય છે!
આમને આમ જ, ઘણું જીવાય છે!
સાંજ મારી એકલાની હોય છે,
ક્યાં બધાની આંખ અહીં છલકાય છે?
ક્યાં બધાની આંખ અહીં છલકાય છે?
બે ઘડીનો સાથ આપી જાય ને,
કાયમી સંભારણાં છલકાય છે.
છેક ઉંડે ઉતરીને જોયું છે,
તું મળે અને આયખું સંધાય છે.
તું મળે અને આયખું સંધાય છે.
- દિનેશ કાનાણી
No comments:
Post a Comment